Divi Pimma – දිවි පිම්ම

ඩිජිටල් මානවවේදය ශාස්ත්‍රීය ව ගවේෂණයකට උත්සාහ දරන්නකුට මුලින් ම මානවවේදය, සංස්කෘතිය හා ඩිජිටල් යන සංකල්ප ත්‍රිත්වය කෙරෙහි යථාදර්ශනයක් ඇති කර ගැනීම අනිවාර්ය මෙන් ම අත්‍යවශ්‍ය ප්‍රධාන සාධකයකි. ඒ සඳහා පිවිසුමක් ලෙස එකී සංකල්ප ත්‍රිත්වය සැකැවින් හඳුන්වා දී ඒ ඔස්සේ මානවවේදය සහ ඒ හා සම්බන්ධ ව මෙතෙක් කෙරී ඇති ශාස්ත්‍රීය අධ්‍යයනයන් පිළිබඳ ව ලියැවුණු මෙම ග්‍රන්ථය මේ ක්ෂේත්‍රයේ නූතන දැනුම් තත්ත්වය අවබෝධ කරගැනීමට උපකාරී වනු නිසැක ය. මෙම විෂයට අදාළ ව ලංකාවේ එකදු ග්‍රන්ථයක්වත් තවම රචනා වී නොමැති ය. එහි ලා ශාස්ත්‍රීය වශයෙන් පවතින ඌනතාව යම් තරමකට හෝ සපුරාලීමට මේ වෑයම හේතු වනු ඇත. මානව විද්‍යාවේ නව්‍ය විෂය ක්ෂේත්‍රයක් වන ඩිජිටල් මානව විද්‍යාව පිළිබඳ ශාස්ත්‍රීය වපසරියකින් විවරණය කිරීමට ගත් ප්‍රයත්නයක් ලෙස මෙම කෘතිය හැඳින්විය හැකි ය.

අතථ්‍ය සන්නිවේදනය යනු සිත්ගත් පරිසරයක් තුළ සිදු වන අන්තර්ක‍්‍රියාකාරී පරිගණක-ජනිත අත්දැකීමකි. අතථ්‍ය සන්නිවේදනය ජීවිතය තුළ අතුරුදහන් වූ දෙයක් අන්තර්ජාලය තුළ සොයන තැනැත්තා සඳහා ගවේෂණ ස්ථානයකි. යම් පුද්ගලයෙකු සමාජීය සැකැස්ම තුළ පෞද්ගලිකත්වය පිළිබිඹු කිරීම ගැන සෑහීමකට පත් නොවනතත්ත්වයකදී, එක් විකල්පයක් ලෙස තනිකමේ හැඟීම් මගහරවා ගැනීම සඳහා අන්තර්ජාලගත අතථ්‍ය සන්නිවේදනය භාවිත කළ හැකියි.ලොව වටා බිලියන සංඛ්‍යාත ජනයාගේ සමාජ අන්තර්ක‍්‍රියා, ඔවුන්ගේ අනන්‍යතා සමාජ සම්බන්ධතා සහ අතථ්‍ය ප‍්‍රජාවන් නිර්මාණය කිරීමත් සමග, පරිගණක තාක්ෂණය සහ අතථ්‍ය සන්නිවේදනය සමාන්තර ගමනකට යොමුව ඇත. එමගින් සමාජය නව අධ්‍යාත්මික සංස්කෘතික අවකාශයක පිහිටුවා ඇති බවක් ද පෙනේ. අතථ්‍ය සමාජය නවීන පරිගණක තාක්ෂණයෙන් නිර්මාණය කරන ලද සමාජයකි. ජංගම සන්නිවේදනය, දුරකථන සන්නිවේදනය සහ ශ‍්‍රව්‍ය දෘශ්‍ය සන්නිවේදනයද අයත් වන්නේ අතථ්‍ය සමාජය තුළටයි. සෑම ක‍්‍රියාවක්ම සිදුවන්නේ සැබෑ වේලාව තුළ නොව, අදෘශ්‍යමාන අතථ්‍ය අවකාශයෙහිය. මෙලෙස නව සමාජ පරිසරයක් නිර්මාණය කිරීම ලොව පුරා ව්‍යාපාරවලට විශේෂ සංවිධානාත්මක රූපාකාරයන් නිර්මාණය කිරීමක් ද වන්නේය.

සිංහල හා ඉංග්‍රීසි වියතකු වූ මහාචාර්ය සුචරිත ගම්ලත් විසින්, ලොවපුරා අත්හදා බැලු විද්‍යාත්මක ක්‍රමයක් පදනම් කරගෙන රචිත මෙම පොත් භාවිතයට කිසිම ඉංග්‍රීසි දැනුමක් අපේක්ෂා නොකෙරේ.