Nethra Devi – නේත්‍රා දේවී

නේත්‍රා දේවී යකඩ පිහාටුවලින් ආදරය හොයා ගෙන පියාඹනවා. එයාට ඒ ආදරය අත පොවන මානයේ තියෙනවා වගේ පෙනෙනවා. එතකොට එයා එතනට යන්න හිතාගෙන හයියෙන් තටු ගහනවා. ඒත් එයා ළඟට යනකොට ඒ ආදරයත් ටිකෙන් ටික ඈතට යනවා.
නේත්‍රා දේවී එහෙම ගොඩක් උත්සාහ කරලා අමාරුවෙන් මිට මොළවා ගත්ත ආදරයත් එයාගේ ඇඟිලි අස්සෙන් රූටල යනවා. එයාට ඒක නවත්ත ගන්න බැරි වෙනවා. කොච්චර උත්සාහ කෙරුවත් ඒ ආදරය එයාට නැති වෙනවා. ඒක ඇට මිදුළු‍ත් විනිවිද ගෙන යන වේදනාවක්. නේත්‍රා දේවී ඒ වේදනාවත් විඳිනවා.
යකඩ වුනත් පිහාටු සියුමැළියි. සැරින් සැරේ නාන ප්‍රකාර චරිත ඇවිත් එයාගේ ඒ යකඩ පිහාටු කඩල දානවා. ආයෙමත් පියාඹන්න බැරි වෙන විදිහට ඒවා උදුරනවා. පයින් පාගලා පොඩි කරල දානවා.
ජීවිතය අහස වගෙයි.
ආදරය කියන්නේ ඒ අහසේ තියෙන තරුවකට.
ඒ තරුව ළඟට යන්නම ඕනි.
එතන තමයි ජීවිතය තියෙන්නේ.
එතන තමයි ආදරය තියෙන්නේ.
මේ කතාව නේත්‍රා ගේ ජීවිතය ගැනයි…
ඒ ගමන ගැනයි…
ඒ ආදරය ගැනයි…