දේවාන් පෙරළා හෝටලයට එන විට ඉර අවරට යමින් තිබුණි. හෝටලයට ඇතුල් වූ දේවාන්ට බටනලා වාදනයක් ඇසෙන්නට විය. අනුමානයක් නැත බටනළාව වාදනය කරන්නේ ජෙනී විය හැක. ඇය වාදනය කරන්නේ ආදර තාලයක් යැයි දේවාන් සිතුවේය. එහෙත්, ඇය මෙවර වාදනය කරන්නේ බටහිර තාලයක් නොවීම ඔහුට මහත් අරුමයකි. බිම් කළුවර මෝදුවීමත් සමග මහාමාර්ග දෙපසේ වූ පහන් කණුවල වූ විදුලි ලාම්පු දැල්වී ඇත. බටනළා හඬ බොහෝ දුරක සිට දෙසවන් වෙත ළඟා වන්නාක් මෙන් දේවාන්ට ඇසෙන්නේය. ඇය වයන්නේ ඉන්දියානු රාගධාරී සංගීතයට අයත් රාගයකි. දෙසවන වැකෙන රාගය හද කිලිපොළා යන හුදකලාවක් නිර්මාණය කරන්නේ යැයි ඔහුට සිතුණි. උඩුමහල වෙත පියනැඟු දේවාන් කාමරයට ඇතුල් වන්නට ඇති දොර විවර කර තිබෙනු දුටුවේය. විවර කර තිබූ දොරේ උළුවස්සට හේත්තු වී ජෙනී බටනළා වාදනය කරන දෙස ඔහු බලා සිටින්නට විය. පෑන්ටියක් පමණක් ඇඳ සිටි ඇය උඩු කයට දුහුල් රෙද්දකින් මසන ලද සුදුපාට කුරුතාවක් පමණක් ඇඳ සිටියාය. ඇය කාමරය තුළ තැනින් තැන ඉටිපන්දම් දල්වා ඇත. හුදකලාව උද්දීපනය කරමින් වැයෙන රාගයේ ස්වර මාධූර්යයන් සඳලුතයේ අඩ නිරුවතින් පුටුවක් මත අසුන්ගෙන බටනළාව වයන ඇගේ දසුනත් වලාකුළුවලින් තොර වූ විසල් අහස මත පායා ඇති තාරකාත් කිසියම් සංවාදයක නියැළී සිටින්නාක් මෙනි. බටනළා වාදනය අවසන් කළ ඇය රන්වන් පාට බටනළාව මුවමතින් ඉවතට ගෙන උළුවස්සට හේත්තු වී තමා දෙස බලා සිටින දේවාන් දෙස බලා කට කොනකින් සිනාසුණාය.
මගියා – Magiya
රු 1,280.00 රු 1,600.00
Price Summary
- රු 1,600.00
- රු 1,280.00
- 20%
- රු 1,280.00
- Overall you save රු 320.00 (20%) on this product
කාන්තාරයේ කුසුම, කාන්තාරයේ දරුවෝ සහ ප්රෙම සැඳෑවෝ යන පරිවර්තන තුළින් පාඨක සිත් වසඟ කළ ප්රවීණ පරිවර්තක රංජිත් කුරුප්පුගේ ස්වතන්ත්ර කුලුඳුල් නවකතාව…
Weight | 640 g |
---|
Be the first to review “මගියා – Magiya” Cancel reply
Related Products
Achala – අචලා
රිවිරැස පුවත්පතේ පළවූ මෙම නවකතාව හැත්තෑවේ දශකයේ දී
පාඨකයන්ගේ හද බැඳගත්තේ පුදුමාකාර ආශ්වාදයකිනි. ජයදේව
නමැති ලංගම බස්රථ රියැදුරකු හා අචලා නමැති පාසල් සිසුවිය
අතර ප්රේමය පාදක කර ගනිමින් අතිශය ආකර්ෂණීය අයුරින්
රචිත මෙම කෘතියෙහි අපූර්ව සිද්ධි ගැලපීම් හා කතුවරියගේ
විසිතුරු රචනා විලාසය රසික සිත්සතන් ජීවගුණයෙන් පුරවාලයි.
HETHTHAWE COLANIYA – හැත්තෑවේ කොලනිය
ගැමි ආදරවන්තයන්ගේ සුන්දරත්වයත්, වාණිජ හස්තයට හසුවන ජනපදිකයින්ගේ අහිංසක ජීවන රටාවත් පිළිබිඹු කෙරෙන නවකතාව.
Sahada – සහදා
වන්නියේ උරුමකරුවෙකු වූ සහදා – ප්රෙමය වෙනුවෙන් කළ ආත්ම පරිත්යාගයේ සහ වියපත් නොවන ප්රෙමයේ මහිමය.
Adisi Nadiya – අදිසි නදිය
මායාරූපී ප්රබන්ධ, අධිතාත්වික පරිකල්පනය, වීරාඛ්යානය, දේශපාලන සහ විද්යා ප්රබන්ධ යනාදී සාහිත්ය ශානර ඔස්සේ ගලා බස්නා ‘අදිසි නදිය’ කුතුහලාත්මක බවින් පිරි සුපාඨනීය කියැවීමක් බවට පත්වෙයි. එසේම මානවවාදී ධීරවීර පුද්ගලයන් හා අදූරදර්ශී අධිපතිවාදී පාලකයින් අතරෙදී පවත්නා නිරන්තර අරගලය ද ‘අදිසි නදී’ දැලේ නිරූපණය වෙයි.
Sunni – සුන්නි
ශ්රී ලාංකේය සමාජ උරුමයන් ඇසුරෙන් උපන් මනෝභාවයන් අවලෝකනය කෙරෙන කාලානුරූප නවකතාවකි.
Maa – මා
ගිලිහුනු ආදරයක් හඹා යන මහාචාර්යවරියක් හුදෙකලා ජීවිතයක් ගෙවන යුධ හමුදා නිලධාරියෙක්, ආදරය සෙනෙහස සොයා යන නව යොවුන් තරුණයෙක් සහ ජීවිතය විනිවිද දකින තරුණ දොස්තරවරයෙකු එක්තෑන් කල කුතුහලයෙන් පිරි අනුවේදනීය සමාජ විවරණයකි.
Pin Mada Bisaw – පින් මද මහ බිසව්
රාජ්ය උරුමය නිසාම රජුන් තනන්නට දායක වෙමින් දුක් සෝසුසුම් විඳි දෝන කතරිනා බිසවගේ කදුළු කතාව.
Ikbithiwa Ohu Marapeeha – ඉක්බිති ඔහු මරාපීහ
මෙරට ආන්දෝලනාත්මක දේශපාලන ඝාතනයක් වූ අගමැති
බණ්ඩාරනායක ඝාතන කුමන්ත්රණයට අදාළ සියලුම චරිත පසුබිම්
කරගනිමින් රචිත මෙම නවකතාව ඉතා ආකර්ෂණීය ලෙසින්
පාඨක මනස තුළ චිත්රණය කෙරෙයි. 2017 ගොඩගේ සාහිත්ය
සම්මානය දිනූ විශිෂ්ටතම නවකතාවයි.
Sihinayata Samudee – සිහිනයට සමු දී…
“සංජීව …! ජීවත් වෙන්න ශක්තිය ගනින්! ඕන නම් මුළු ප්රාණ ශක්තියම මිරිකලා මම උඹට දෙන්නම්! උඹ ජීවත්වෙයන්…මටත් මේක උහුලගන්න බෑ බං…!”
මා ඉපදුණේ මීට අවුරුදු 18කට පෙර නොවේ. .. මේ දැන්, මොහොතකට පෙර නො වේ ද? ජීවිතයේ මේ දුක් කන්දරාව නම් හඬා හමාර කළ හැකි දැයි මම නම් නොදන්නෙමි.
ඇගේ හැඬීමත් සමගම මගේ දුක තුනී වූ සෙයක් මට දැනුණි. ඈට දෙමවුපියන් අහිමි වුණේ ඈ ලොකු මහත් වුණාට පසුවය. මට… මා… ඉපදෙන විටත් මෙලොව කිසිවෙකු නැත.
කාමරයක් ඇතුළට වී, ඇඳක් උඩට වී ගෙන අඬ අඬා සිටීමට මට බැරිය. මා අවට ලෝකය සමග ගැටිය යුතුය. ගැටි ගැටී ජීවත් වියයුතුයි.
දැන් ඉතින් අපි මේ හීනෙන් අවදි වෙලා ලෝකෙට මුහුණ දෙමු.
Polkichi Premaya – පොල්කිචි ප්රේමය
බැඳීම්, වගකීම් හා සංස්කෘතික යදම්වලට හසු වූ ගැහැනියකගේ අනුවේදනීය කතාව.
Maa Prathi Maa – මා ප්රති. මා
1971 කැරලිකාර දේශපාලන ප්රවාහය ඔස්සේ සමාජගත වූ විවිධ සංවිධාන හා සමාජ ක්රියාකාරී චරිත ඔස්සේ දෝලනය වන මෙම කතාව මෙරට දේශපාලන, සමාජ ක්රියාන්විතයේ අවලස්සන පැතිකඩ කීපයක් නිරාවරණය කරයි.
There are no reviews yet.